دس مئی کو کشمیر میں سول سیکریٹریٹ کھلے گا

دربار مو دفاتر یعنی سول سیکریٹریٹ کی منتقلی ہر سال اکتوبر کے آخری ہفتے میں سرمائی دارالحکومت سرینگر سے گرمائی دارالحکومت جموں اپریل کے آخری ہفتے تک ہوتی ہے۔

چھ ماہ بعد دربار مو یعنی سول سیکریٹریٹ جموں و کشمیر کی گرمائی دارالحکومت سرینگر میں 10 مئی کو کھلے گا۔ تاہم اس مرتبہ دربار مو میں بیشتر فائلیں جموں ونگ کے سیکریٹریٹ میں ہی رکھی جائے گی۔

سرمائی دارالحکومت جموں میں یونین ٹریٹری کے چیف سیکرٹری بی وی آر سبرامنیم نے دربار مو کے متعلق ایک اعلی سطحی میٹنگ منعقد کی جس میں انتظامیہ کے اعلٰی افسران نے شرکت کی۔

بی وی آر سبرامنیم نے بتایا کہ جموں میں سول سیکریٹریٹ ونگ 30 اپریل کو بند ہوگا اور دس روز میں ملازمین و دیگر ضروری سامان سرینگر منتقل کیا جائے گا۔

ان کا کہنا تھا کہ دربار مو میں ای-آفس کا آغاز ہوگا جس کے ذریعے فائلیں ای-موڈ کے تحت سرینگر ونگ میں دستیاب ہوں گی۔

ان کا کہنا تھا کہ ای-آفس کی وجہ سے انتظامیہ کی آمدورفت کے اخراجات میں کمی ہوگی۔

دربار مو دفاتر یعنی سول سیکریٹریٹ کی منتقلی ہر سال اکتوبر کے آخری ہفتے میں سرمائی دارالحکومت سرینگر سے گرمائی دارالحکومت جموں اپریل کے آخری ہفتے تک ہوتی ہے۔
واضح رہے کہ دربار مو یعنی سول سیکریٹریٹ کی چھ ماہی منتقلی 148 برس پرانی روایت ہے جو ڈوگرہ راج میں مہاراجہ رنبیر سنگھ نے شروع کی تھی۔

سابق وزیر اعلی فاروق عبداللہ نے سنہ 1987 میں دربار مو کو بند کرنے کا فیصلہ صادر کرتے ہوئے کہا تھا کہ سول سکریٹریٹ سرینگر ہی پورا سال کھلا رہے گا۔ تاہم اس پر جموں ضلع میں احتجاج ہوئے تھے جس سے فاروق عبدللہ کو فیصلہ واپس لینا پڑا۔