سرینگر میں دو ہفتے بعد 'سنڈے مارکیٹ' کھلا

سرینگر میں اتوار کو مشہور 'سنڈے مارکیٹ' دو ہفتے کے بعد کھل گیا۔ گزشتہ اتوار کو اس مارکیٹ کو انتظامیہ نے علیحدگی پسند رہنما سید علی شاہ گیلانی کے وفات کی افواہوں کے بعد کھولنے کی اجازت نہیں دی تھی۔

تاہم آج یعنی اتوار کو انتظامیہ نے چھاپڑی فروشوں کو مارکیٹ کھلنے کی اجازت دے دی۔

اس مارکیٹ میں خریداروں کی کافی بھیڑ دیکھنے کو ملی اور موسم خوشگوار ہونے کی وجہ سے لوگ وادی کے مختلف مقامات سے سرینگر میں آکر اس مارکیٹ میں خرید و فروخت کر رہے تھے۔