سینٹرل یونیورسٹی کے طلبا کا احتجاج، آن لائن امتحانات کے انعقاد کا مطالبہ

احتجاجی 'آف لائن امتحانات نا منظور نا منظور' اور 'طلبا کو انصاف دو' کے نعرے لگا رہے تھے۔

سینٹرل یونیورسٹی آف کشمیر کے طلبا نے بدھ کے روز پریس کالونی میں احتجاج کیا۔ احتجاجی طلبا یونیورسٹی کی طرف سے آف لائن امتحانات کے بجائے آن لائن امتحانات کے انعقاد کا مطالبہ کررہے تھے۔

احتجاجی 'آف لائن امتحانات نا منظور نا منظور' اور 'طلبا کو انصاف دو' کے نعرے لگا رہے تھے اور ان کے ہاتھوں میں جو پلے کارڈس تھے ان پر بھی یہی نعرے انگریزی زبان میں لکھے ہوئے تھے۔

اس موقع پر سینٹرل یونیورسٹی سٹوڈنٹس فیڈریشن کی ترجمان نادیہ رشید نے میڈیا کو بتایا کہ ہم آف لائن کے بجائے آن لائن امتحانات کے انعقاد کا مطالبہ کررہے ہیں۔

انہوں نے کہا: 'ہم آف لائن کے بجائے آن لائن امتحانات کے انعقاد کا مطالبہ کررہے ہیں۔ یونیورسٹی نے آف لائن امتحانات منعقد کرنے کے لئے ڈیٹ شیٹ نکالا ہے موجودہ حالات میں ایسا ممکن نہیں ہے سماجی دوری رکھنا ناممکن ہے اور دور دراز علاقوں سے وابستہ طلبا کے لئے امتحانات میں شریک ہونا مشکل ہے'۔