رنبیر گڑھ تصادم: دو عسکریت پسند ہلاک، سکیورٹی اہلکار زخمی

سرینگر کے رنبیر گڑھ علاقے میں آج صبح سکیورٹی فورسز اور عسکریت پسندوں کے مابین تصادم شروع ہوا تھا۔ تصادم میں دو عسکریت پسندوں کے ہلاک ہونے کی خبر ہے جبکہ ایک سیکورٹی اہلکار زخمی ہوا ہے۔

جموں و کشمیر کے سرینگر کے باہری علاقے رنبیر گڑھ میں آج صبح سیکورٹی فورسز اور عسکریت پسندوں کے مابین تصادم شروع ہوا تھا۔

پولیس نے بتایا کہ 'انکاؤنٹر کے دوران دو عسکریت پسند ہلاک ہوئے ہیں اور ابھی سرچ آپریش جاری ہے'۔

پولیس نے بتایا 'شروعات میں سکیورٹی فورسز اور عسکریت پسندوں کے درمیان فائرنگ کے تبادلے میں ایک سکیورٹی اہلکار بھی زخمی ہوا ہے'۔

تازہ اپڈیٹس کے مطابق سکیورٹی فورسز نے علاقے کو محاصرے میں لے رکھا ہے اور سرچ آپریشن ابھی بھی جاری ہے۔

پولیس کے بیان کے مطابق ہلاک شدہ عسکریت پسندوں کا تعلق شدت پسند تنظیم لشکر طیبہ سے ہے۔ ابھی ان کی شناخت جاری نہیں کی گئی ہے۔