صوبہ کشمیر کے ضلع سرینگر میں غیر سرکاری تنظیم ارائزنگ کشمیر ان اسپورٹس اینڈ سوشل ویلفیئر نے شجر کاری مہم کا انعقاد کیا.
یہ پروگرام سرینگر کے گورنمنٹ مڈل اسکول کوٹھی باغ میں منعقد کیا گیا. اس دوران تنظیم کی جانب سے اسکول میں کئی پودے لگائے گئے. پروگرام میں ارائزنگ کشمیر ان اسپورٹس اینڈ سوشل ویلفیئر کے ممبران کے علاوہ اسکول اسٹاف نے بھی حصہ لیا.
این جی او کی چیئرپرسن سید ریحانہ نے کہا 'پروگرام کا مقصد لوگوں کو آلودگی سے پاک ماحول کے حوالے سے جانکاری فراہم کرنا ہے'۔
انہوں نے مزید کہا 'درخت ہمیں زندہ رہنے کے لئے آکسیجن اور کھانا مہیا کرتے ہیں۔ اس لئے ہمیں زیادہ سے زیادہ پودے لگانے کی ضرورت ہے۔ ایسے پروگرامز کے ذریعے ہم لوگوں تک یہ پیغام پہنچانا چاہتے ہیں کہ اگر ہمیں اپنے ماحول کو صاف رکھنا ہے تو زیادہ سے زیادہ شجر کاری کریں'۔
خوش حال زندگی کے لیے خوشگوار موسم اور صاف ہوا کا ہونا بے حد ضروری ہے. آلودہ ہوا نہ صرف گلوبل وارمنگ کا باعث بنتی ہے بلکہ تمام نباتات اس سے متاثر بھی ہوتے ہیں۔
یہ بھی پڑھیے
عمر عبد اللہ کورونا سے متاثر
اس لیے ہوا کو صاف رکھنے کے لئے پیڑ پودوں کا ہونا لازمی ہے. کیونکہ پیڑ پودے ہوا کو صاف رکھنے کے ساتھ ساتھ آکسیجن اور کاربن ڈائکسائڈ اور دیگر قسم کے گیسز کو متوازن بنانے کے لئے بھی کارگر ثابت ہوتے ہیں۔
