سرینگر: وائلڈ لائف ٹیم نے تیندوے کو پکڑا

گذشتہ کئی مہینوں سے جنگلی جانوروں کا بستیوں میں داخل ہونا لوگوں کے لیے باعث تشویش بن چکا ہے۔ وہیں، محکمہ وائلڈ لاٸف ان جانوروں کو پکڑنے میں کافی مشقت کر رہا ہے تاکہ ان جانوروں کی وجہ سے انسانی جانوں کا نقصان نہ ہو۔

سرینگر کے بالہامہ علاقے میں محکمہ وائلڈ لائف کے اہلکاروں نے آج ایک بڑے تیندوے کو پکڑ کر داچھی گام پارک میں منتقل کیا گیا۔

محکمہ وائلڈ لائف کے کھریو رینج کے ایک افسر نے کہا کہ انہیں کل بالہامہ علاقےمیں تیندوے کی موجودگی کے بارے میں اطلاع ملی تھی جس کے بعد محکمہ کے اہلکاروں نے علاقے میں جاکر تیندوے کو پکڑنے کے لیے جال اور پنجڑے لگائے گئے، جہاں تیندوے کو بعد میں پکڑ لیا گیا۔

افسر نے کہا کہ محکمہ کے اہلکاروں نے دن رات کافی مشقت کر کے اس تیندوے کو پکڑا ہے۔

انہوں نے کہا کہ خوش آئند بات یہ ہے کہ ان جانوروں کو کوئی نقصان کیے بغیر ہی پکڑ لیا گیا ہے۔

انہوں نے لوگوں سے اپیل کی ہے کہ شام کے وقت گھروں سے باہر نکلنے سے گریز کریں۔