سرینگر- لداخ شاہراہ سے برف ہٹانے کا کام شروع

سرینگر لداخ شاہراہ سے برف ہٹانے کا کام شروع کیا گیا ہے۔ گذشتہ برس ہند-چین کشیدگی کے بعد سرینگر لداخ شاہراہ کو 31 دسمبر تک آمد ورفت کیلئے بحال رکھا گیا تھا اور دسمبر میں برفباری کے بعد زوجیلا پر برف جم جانے کے بعد سڑک پر پھسلن پیدا ہوگئی تھی اورانتظامیہ نے شاہراہ کو آمدورفت کے لئے بند کیا تھا۔

ذرائع کے مطابق درجہ حرارت میں کمی کے باوجود رواں برس زوجیلا ٹنل تعمیر کررہی کمپنی نے گومری اور سربل میں ٹنل پر کام جاری رکھا۔ منی مرگ سے پروجیکٹ وجیک نے 10 فروری سے برف ہٹانے کا کام شروع کیا ہے اور شیطان نالہ تک برف ہٹائی گئی ہیں، جبکہ باڈر روڈ آرگنائزیشن نے انڈیا گیٹ زوجیلا تک برف ہٹائی ہے۔

شاہراہ کو اب زیادہ سے زیادہ وقت تک کھلا رکھنے کے لئے کئی طرح کے اقدامات کئے جارہے ہیں جس کے لئے بیکن نے نئی مشینری دستیاب رکھی ہے۔