Dog Menace in Srinagar: آوارہ کتوں کی بڑھتی آبادی سے نمٹنے کیلئے مشاورتی بورڈ تشکیل، سرینگر میئر

سرینگر کے میئر جنید اعظیم متو نے کہا کہ بڑے پیمانے پر آوارہ کتوں کی نسبندی مہم شروع کرنے کے تعلق سے مشاورتی بورڈ تشکیل دیا گیا ہے جو آوارہ کتوں کی آبادی سے نمٹنے کے لیے منصوبہ بنا رہا ہے۔ بورڈ میں اسکاسٹ یونیورسٹی کے سائنسدانوں اور ویٹرنری کے ماہرین ہوں گے۔Consultative Board To Deal With Dog Menace

سرینگر: سرینگر کے میئر جنید اعظم متو نے کہا کہ میونسپل کارپوریشن شہر سرینگر میں آوارہ کتوں کی بڑھتی آبادی کو قابو میں کرنے اور لوگوں کو اس بدعت سے نجات دلوانے کے لیے بڑے پیمانے پر کتوں کی نسبندی کا عمل شروع کر رہا ہے، جب کہ شہر کی خستہ حال چھوٹی بڑی سڑکوں پر میگڈمائزیشن کا کام بھی بہت جلد شروع کیا جارہا ہے۔ ان باتوں کا اظہار سرینگر کے میئر جنید اعظم نے سرینگر میں ایک پریس کانفرنس کے دوران کیا۔Press Conference Junaid Azim Mattu

سرینگر کے مئیر نے کہا کہ بڑے پیمانے پر آوارہ کتوں کی نسبندی مہم شروع کرنے کے تعلق سے اپنی نوعیت کے پہلے مشاورتی بورڈ کی تشکیل دیا گیا ہے جو آوارہ کتوں کی آبادی سے نمٹنے کے لیے منصوبہ بنا رہا ہے اور کتوں کی نسبندی کے اس پروگرام پر آئندہ ایک ماہ کے اندر کام شروع کیا جارہا ہے۔Consultative Board To Deal With Dog Menace بنائے گئے ملٹی ایجنسی کنسلٹیٹیو بورڈ میں اسکاسٹ کے سائنسدانوں اور ویٹرنری کے ماہرین ہوں گے۔ جب کہ مشاورتی بورڈ کی میٹنگ اگلے ہفتے ہوگی اور بورڈ کی جائزہ میٹنگ ہفتے میں دو بار منعقد کی جائی گی۔ مذکورہ بورڈ کے کام کاج کی نگرانی مئیر از خود کریں گے۔

میڈیا سے بات کرتے ہوئے جنید اعظم متو نے یقین دلایا کہ شہر سرینگر میں آورہ کتوں کی بڑھتی آبادی کو کم کرنے اور عام لوگوں کو راحت دینے کے لیے سنجیدگی کے ساتھ کام کیا جائے گا اور اس حوالے سے آنے والے وقت میں عوام کو خاطر نتائج دیکھنے کو ملے گے۔Dog Menace In Srinagarپریس کانگرنس کے دوران انہوں نے مزید کہا کہ ہاٹ مکس پلانٹ مالکان اور ٹھیکداروں کے موجودہ نرخوں پر کام کرنے سے انکار کے بعد مارچ سے سڑکوں پر تارکول بچھانے کا کام روکا پڑا ہے، جس کی وجہ سے سڑکوں کی ناگفتہ بہہ حالت بنی ہوئی ہے اور عام لوگ چلنے پھرنے میں کافی دشواریاں محسوس کر رہے ہیں۔ Macdamination of Srinagar Roads

انہوں نے کہا کہ چیف سیکرٹری نے ذاتی طور ہاٹ مکس پلانٹ مالکان اور ٹھیکداروں کے ساتھ بات کی ہے اور چند دنوں میں ریٹ پر نظر ثانی کر کے شہر کی سڑکوں کی میگڈامائزیشن کا کام بھی شروع کیا جائے گا،تاکہ لوگ راحت محسوس کریں۔