اس پروگرام کا انعقاد ڈسٹرکٹ لیگل سروس اتھارٹی نے سرینگر میں کیا تھا، پروگرام کے دوران مختلف وکلاء اور انسانی حقوق پر کام کرہے سرکردہ شخصیات نے اپنے تقاریر میں حقوق نسواں اور ان کے تحفظ کو یقینی بنانے پر زور دیا۔
پرنسپل ڈسٹرکٹ اینڈ سیشن جج عبدل الرشید ملک نے اس موقع پر بات کرتے ہوئے کہا کہ خواتین نے زندگی کے ہر شعبے میں اپنے مردوں کے ہمراہ اپنی صلاحیتوں کا مظاہرہ کیا ہے اور کرتی رہیں گی۔
انہوں نے کہا خواتین پر ہورہے گھریلو تشدد، جنسی زیادتیاں یا قبل از وقت شادیوں کی صورت میں کافی صنف نازک کو سہنا پڑ رہا ہے لیکن ہمیں ایسی زیادتیوں سے مقابلہ کرکے عورتوں کے حقوق کو یقینی بنانے کیلئے اقدامات اٹھانے چاہیے۔
اس موقع پر اپنے ایک تقریر میں لیگل سروس اتھارٹی سرینگر کے صدر عدنان نے کہا کہ اگرچہ عورتوں پر گھر میں اور گھر سے باہر بھی جو امتیازی سلوک کیا جاتا ہے اسے ختم کرکے خواتین کو مکمل مساوی حقوق دینے کی وہ مستحق ہیں جس کے لیے انہیں اپنے پیروں پر خود کھڑ ا ہونے کی ضرورت ہے۔
پروگرام میں اس کے علاوہ جن مزید مقررین نے شرکت کی ان میں ایڈووکیٹ بسما، اور ڈاکٹر نزہت بخاری شامل ہیں-
