سپریم کورٹ 11 مئی یعنی پیر کو جموں و کشمیر میں 4 جی انٹرنیٹ سروس کی بحالی کے حوالے سے دائر کی گئی عرضیوں پر فیصلہ سُنائے گی۔
تین ججوں کی بینچ جس کی سربراہی جسٹس این وی رامنا کر رہے ہیں، پیر کو فیصلہ سنائے گی۔
اس سے قبل 4 مئی کو سپریم کورٹ نے فور جی انٹرنیٹ سروس کی معطلی کے خلاف دائر کی گئی عرضیوں پر سماعت مکمل کر کے فیصلہ محفوظ کر لیا تھا۔
واضح رہے جموں و کشمیر میں 2 جی انٹرنیٹ سروس بحال کر دی گئی تھی لیکن ریاض نائیکو کی ہلاکت کے بعد اسے دوبارہ بند کر دیا گیا۔
عرضی گزاروں کا کہنا ہے کہ سست رفتار انٹرنیٹ سروس سے جموں و کشمیر میں تجارت، تعلیم و دیگر شعبے بُری طرح متاثر ہوئے ہیں۔
