میرواعظ کی مسلسل نظربندی کے خلاف جامع مسجد سرینگر میں احتجاج

تاریخی جامع مسجد سرینگر میں بعد نماز جمعہ کے بعد پُر امن احتجاج کے دوران مرکزی سرکار سے میرواعظ عمر فاروق کو رہا کرنے کا مطالبہ کیا گیا۔

انجمن اوقاف جامع مسجد سرینگر کی جانب سے نماز جمعہ کے بعد میرواعظ عمر فاروق کی مسلسل نظر بندی کے خلاف احتجاج کیا گیا۔

احتجاج میں شامل انجمن اوقاف جامع مسجد سے وابستہ درجنوں افراد نے میرواعظ کی مسلسل نظر بندی کی مذمت کرتے ہوئے انکی رہائی کے حق میں نعرے بازی کی۔

جامع مسجد کے امام و قائم مقام خطیب نے میرواعظ عمر فاروق کی گزشہ قریب ڈیڑھ برس سے مسلسل نظربندی کی مذمت کرتے ہوئے کہا کہ ’’اگر دیگر سیاسی لیدران کو رہا گیا گیا تو میرواعظ کیوں نہیں؟‘‘

انہوں نے مزید کہا کہ میرواعظ سیاسی لیڈر ہونے کے ساتھ ساتھ مذہبی رہنما بھی ہیں۔ انہوں نے کہا کہ ’’میرواعظ کی ڈیڑھ سال سے نظربندی سیاسی انتقام گیری کے سوا کچھ نہیں۔‘‘