سرینگر: پرائیویٹ اسکول ایسوسی ایشن جموں و کشمیر کے صدر جی این وار نے کہا ہے کہ دنیا بھر کے ساتھ ساتھ پورے بھارت میں نجی اسکولوں کے رول کو نہ صرف سراہا جاتا ہے بلکہ ان اسکولوں کو ایک آزادانہ ماحول میں کام کرنے کے سبھی مواقع فراہم کیے جاتے ہیں۔PSAJK on Schools Closed In Kashmir
انہوں نے جموں و کشمیر کی حکومت سے مطالبہ کیا کہ بیشتر نجی اسکولوں سے متعلق لیے گئے حالیہ فیصلوں پر نظر ثانی کی جائے تاکہ لاکھوں بچوں کے تعلیمی مستقبل کومحفوظ بنایا جاسکے۔ ٹنگمرگ اور کنزر تعلیمی زونوں کے اسکولوں کے منظمین سے خطاب کرتے ہوئے جی این وار نے کہا کہ پرائیویٹ اسکول تعلیم و تربیت کے شعبے میں اہم اور نمایاں رول ادا کررہے ہیں جس کا بین ثبوت یہ ہے کہ آج تک جتنے بھی افراد حکومت اور انتظامیہ کے اعلی عہدوں پر فائز ہوئے ہیں،ان میں سے ایک کثیر تعداد نے نجی اسکولوں سے تعلیم حاصل کی ہے۔ انہوں نے کہا کہ سماج کی مجموعی ترقی میں پرائیویٹ اسکولوں کے رول کو کبھی فراموش نہیں کیا جا سکتا ہے۔
پرائیویٹ ایسوسی ایشن کے صدر نے کہا کہ سرکاری زمینوں پر قائم اسکولوں کو بند کرنے سے تین لاکھ بچوں کا مستقبل تاریک ہو نے کا خدشہ ہے۔ اس لیے سرکار کو ان بچوں کا مستقبل بچانے کے لیے نجی اسکولوں کے ساتھ ہمدردی کا سلوک کرنا چاہیے۔
مزید پڑھیں:
