جن میں سرینگر ضلع کے 857 پولنگ مراکز حساس قرار دئے گئے ہیں جبکہ بڈگام میں 624 اور گاندربل میں 235 پولنگ مراکز قائم کئے گئے ہیں۔
ضلع مجسٹریٹ سرینگر ڈاکٹر شاہد اقبال چودھری نے بتایا کہ 'سرینگر پارلیمانی حلقے میں تین اضلاع سرینگر، بڈگام اور گاندربل میں 15 اسمبلی نشستیں ہیں جن میں کل ووٹ ڈالے جائیں گے'۔
انہوں نے کہا کہ 'الیکشن کمیشن نے سرینگر حلقے میں شفاف انتخابات منعقد کرنے کے لئے 15 اسسٹنٹ ریٹیرنگ افسر اور 8 مبصرین تعینات کیے ہیں'۔
انہوں نے مزید کہا کہ پولنگ مراکز پر آج صبح سے ہی درکار پولنگ عملہ، ضروری ساز و سامان بحفاظت پہچایا گیا ہے۔
آپ کو بتا دیں کہ نیشنل کانفرنس کے امیدوار ڈاکٹر فاروق عبداللہ سرینگر کے سونوار علاقے میں واقع نجی تعلیمی ادارہ برن ہال سکول میں کل صبع ووٹ ڈالیں گے، جبکہ پی ڈی پی کے امیدوار آغا سید محسن بڈگام میں اور بی جے پی کے امیدوار خالد جہانگیر اپنے آبائی ضلع گاندربل میں اپنی رائے دہی کا استعمال کریں گے۔
انتظامیہ نے برن ہال اسکول کے اندر اور گردو نواح سخت سیکورٹی نافظ کی ہے تاکہ کوئی ناخوشگوار واقع پیش نہ آئے۔
:
