سابق وزیر اعلی محبوبہ مفتی کے ماما سمیت پی ڈی پی کے دو ارکان کو 'حراست میں لیا گیا ہے۔ حراست میں لئے گئے افراد میں سابق وزیر اعلیٰ محبوبہ مفتی کے ماما سرتاج مدنی اور رشتہ دار پیر منصور حسین شامل ہیں۔
واضح رہے کہ مرکزی حکومت نے گزشتہ برس پانچ اگست کو آئینی دفعات 370 و 35اے کی تنسیخ اور ریاست جموں و کشمیر کو دو وفاقی حصوں میں منقسم کرنے کے فیصلوں کے پیش نظر علاحدگی پسندوں کے علاوہ علاقائی جماعتوں کے درجنوں رہنماؤں کو پی ایس اے کے تحت نظربند رکھا گیا تھا، جن میں سے بیشتر لیڈران کو رہا کیا گیا تھا یا اپنے گھروں میں نظربند رکھا گیا تھا۔
یہ بھی پڑھیں: وادی کشمیر میں سردی کے بادشاہ 'چلہ کلان' کی آمد
سرتاج مدنی اور پیر زادہ منصور حسین کو بھی پبلک سیفٹی ایکٹ کے تحت نظر بند رکھا گیا تھا۔ تاہم رواں برس جون کے مہینے میں جموں و کشمیر پیپلز موومنٹ کے چیئرمین و سابق آئی اے ایس افسر ڈاکٹر شاہ فیصل اور پیپلز ڈیموکریٹک پارٹی کے راہنما سرتاج مدنی اور پیرزادہ منصور کی نظربندی قریب 10 ماہ بعد ختم کردی گئی تھی۔
ذرائع کے مطابق پی ڈی پی کے دونوں رہنماؤں کو پیر کے دوپہر اننت ناگ پولیس نےگرفتار کیا ہے۔
