ضلع پلوامہ کی پولیس لائن میں ان پولیس اہلکاروں کی یاد میں ایک تقریب منعقد ہوئی جو اپنے فرائض انجام دیتے ہوئے جان بحق ہوئے۔ اس تقریب کا اہتمام ڈسٹرکٹ پولیس لائن پلوامہ میں کیاگیا۔ تقریب کا اہتمام ان پولیس اہلکاروں کو خراج عقیدت پیش کرنے کے لیے کیا گیا جنہوں نے قوم کے امن اور سالمیت کے لیے اپنے جانوں کے نذرانے پیش کیے۔ اس تقریب میں ضلع ترقیاتی کمشنر پلوامہ بصیر الحق چوہدری کے علاوہ جموں وکشمیر پولیس کے دیگر افسران نے شرکت کی۔
رامبن میں بھی یومِ شہدائے پولیس منایاگیا۔ اپنی جانوں کا نذرانہ پیش کرنے والے پولیس اہلکاروں کو خراج عقیدت پیش کرنے کے لیے ملک بھر کی طرح ضلع پولیس لائن چندروگ رامبن یوم شہداء پولیس منایا گیا۔
ضلع پولیس لائن ڈوڈہ میں "یومِ شہدائے پولیس "منایا گیا، جنہوں نے قوم کے امن اور سکون کے لیے اپنی جانوں کا نذرانہ پیش کیا۔ اس پروگرام میں پولیس شہداء کے لواحقین اور پولیس، نیم فوجی، سول انتظامیہ کے دیگر افسران نے شرکت۔ جبکہ اس موقع پر ڈی ڈی سی چیئرمین و میونسپل کونسل ڈوڈہ کے صدر بھی موجود تھے۔
ڈیوٹی کے دوران شہید ہونے والے پولیس اہلکاروں کی یاد میں ڈسٹرکٹ پولیس لائن بڈگام میں یومِ شہدائے پولیس منایا گیا۔ اس دوران پریڈ کی گئی اور شہید جوانوں کو خراج عقیدت پیش کیا گیا۔ پولیس، سی آر پی ایف اور آرمڈ پولیس کے دستوں نے ریڈ کر ان پولیس اہلکاروں کو خراج عقیدت پیش کرنے کے لیے شرکت کی جنہوں نے قوم کے لیے اپنی جانیں قربان کیں۔ سی آر پی ایف اور پولیس افسران کی بڑی تعداد کے علاوہ سویلین اور شہداء کے اہل خانہ نے بھی پروگرام میں شرکت کی اور شہداء کو گلہائے عقیدت پیش کی۔
کشتواڑ کے پولیس لائن میں یومِ شہدائے پولیس منایا گیا۔
ڈسٹرکٹ پولیس لائنز اونتی پورہ میں آج یومِ شہدائے پولیس منایا گیا۔
پونچھ میں بھی یومِ شہدائے پولیس مناگیا۔ اس موقع پر شہداء کے خاندانوں کو خراج عقیدت پیش کرتے ہوئے تحائف دیے گئے اور شہیدوں کو خراج عقیدت پیش کیا گیا۔
