KCCI President on PM Meet: 'وزیراعظم نے تجارت کو درپیش مسائل حل کرنے کی یقین دہانی کرائی'

کے سی سی آئی صدرشیخ عاشق حسین نے وزیراعظم سے ملاقات کے بارے میں بتایا کہ اس ملاقات کے دوران انہوں نے تجارت کے ہرشعبے سے متعلق بات کی اور تجارت کو درپیش مسائل سے وزیراعظم کو آگاہ کیا۔ ان کا کہنا تھا کہ وزیر اعظم نے انہیں یقین دہانی کرائی کہ ان کے مسائل پرغورکیا جائے گا اور ان کا حل نکالا جائے گا۔ KCCI Traders Meeting With PM

کشمیر چیمبر آف کامرس اینڈ انڈسٹری Kashmir Chamber of Commerce and Industry (کے سی سی آئی) کے صدر شیخ عاشق، معروف ہوٹلائر مشتاق چایہ، گاڑیوں کے کاروباری بلدیو سنگھ، سمیر وانی اور شوکت چودھری نے وزیر اعظم مودی سے ان کے دفتر میں ملاقات کی۔ کے سی سی آئی کے صدر شیخ عاشق حسین نے اس ضمن میں آج سرینگر میں پریس کانفرنس سے خطاب کیا اور اس ملاقات کی تفصیل فراہم کی۔

شیخ عاشق حسین نے کہا اس ملاقات کے لئے تجار نے کئی درخواستیں دی تھیں لیکن کووڈ کی وجہ سے یہ ممکن نہیں ہو سکا۔ ان کا کہنا تھا کہ اس ملاقات کے دوران انہوں تجارت کے ہر شعبے کے متعلق بات کی اور تجارت کو در پیش مسائل سے وزیر اعظم کو آگاہ کیا۔ انکا کہنا تھا کہ وزیر اعظم نے انہیں یقین دہانی کرائی کہ انکے مسائل پر غور کر کیا جائے گا اور انکا حل نکالا جائے گا۔

واضح رہے کہ ملاقات کے دوران تاجروں نے گلمرگ، پہلگام میں ہوٹل مالکان کو روشنی زمین پر لیز کی بحالی کے متعلق وزیر اعظم کی مداخلت کی گزارش کی گئی۔ اس کے علاوہ بنک قرضوں کا مسئلے سے بھی واقف کروایا گیا اور جموں و کشمیر میں قالین تجارت کے فروغ کے لئے کارپٹ ولیج کے قیام کے متعلق وزیر اعظم سے درخواست کی گئی۔