پاکستان ائیرلائنز سے مشابہت رکھتا غبارہ جموں سے برآمد

پاکستان ائیرلائنز سے مشابہت رکھتا غبارہ اس سے پہلے چار بار سرحد کے نزدیک بھارتی علاقے میں دیکھا گیا ہے۔

رواں مہینے میں چوتھی بار پاکستان ائیرلائنز سے مشابہت رکھتا غبارہ بھارت-پاکستان کی سرحد کے نزدیک سے برآمد کیا گیا ہے۔

پولیس کا کہنا ہے کہ 'پیر کے روز جموں کے کناچک علاقے کے گڑھا پٹھان گاؤں سے ایک غبارہ برآمد کیا گیا ہے۔ یہ غبارہ بھی گزشتہ تین غباروں کی طرح پاکستان ائیرلائنز سے مشابہت رکھتا ہے۔'

اُن کا مزید کہنا تھا کہ 'پولیس نے موقع پر پہنچ کر غبارے کو اپنی تحویل میں لے لیا ہے اور معاملہ درج کر کاروائی شروع کر دی ہے۔'

واضح رہے کہ پاکستان ائیرلائنز سے مشابہت رکھتا غبارہ اس سے پہلے چار بار سرحد کے نزدیک بھارتی علاقے میں دیکھا گیا ہے۔ سب سے پہلے یہ رواں مہینے کی نو تاریخ کو کٹھوعہ ضلع کے ہرانگر سیکٹر میں، 16 مارچ کو جموں کے بلوال علاقے میں اور 26 مارچ کو ریاست پنجاب کے بھگتنا بہروالا گاؤں سے برآمد کیا گیا۔