پیر کے روز عدالت عظمیٰ سے ان ہی وجوہات کا حوالہ دیتے ہوئے معاملے پر جلد سماعت کا مطالبہ کرتے ہوئے ایک اور عرضی دائر کی گئی۔
ایڈوکیٹ شاکر شبیر کی جانب سے دائر کی گی عرضی میں دعویٰ کیا گیا ہے کہ ' جموں و کشمیر تنظیم نو قانون کے خلاف عدالت میں دائر عرضیوں کے باوجود جموں و کشمیر انتظامیہ سابقہ ریاست کے قوانین میں مزید تبدیلیوں کے ساتھ مستقل طور پر آگے بڑھ رہی ہے'۔
عرضی میں مزید کہا گیا ہے کہ 'جب پانچ اگست کو مرکزی سرکار کی جانب سے لیا گیا فیصلہ غیر آئینی ہے تو پھر اس کا حوالہ دیتے ہوئے نافذ کیے جا رہے قوانین جن میں زمینی قوانین میں تبدیلی بھی شامل ہے، وہ بھی غیر قانونی ہے۔ سماعت میں تاخیر کی وجہ سے جہاں زیر بحث معاملے التوا میں ہیں وہیں سرکار کی جانب سے نافذ کیے جا رہے غیر آئینی قوانین اور حکمناموں کو جواز بھی مل رہا ہے'۔
سابق اراضی قوانین عوام دشمن: جموں و کشمیر انتظامیہ
حالیہ عرضی میں عدالت میں دائر کی گئی دیگر عرضیوں کا حوالہ دیتے ہوئے پانچ اگست کے بعد خطے میں ہو رہی پیش رفت کا تفصیلی تذکرہ کیا گیا ہے۔
گزشتہ برس 28 اگست کو عرضی پر عدالت نے نوٹس جاری کرتے ہوئے معاملے کو آئینی بینچ کو سونپ دیا تھا۔ جس کے بعد امسال مارچ کی دو تاریخ کو عدالت نے فیصلہ سناتے ہوئے کہا تھا کہ معاملے کو بڑی بینچ کو منتقل کرنے کی ضرورت نہیں۔ جس کے بعد عالمی وبا کورونا وائرس کی وجہ سے ملک کی تمام عدالتیں محدود طریقے سے کام کرنے لگیں۔
کورونا وائرس کی تعداد 95 ہزار سے تجاوز
عرضی میں کہا گیا ہے کہ 'دفعہ 370 کے خاتمے کے وقت دعویٰ کیا گیا تھا کہ یہ اقدامات خطے کی عوام کی بہتری کے لیے کیے گئے ہیں تاہم زمینی صورتحال اس کے برعکس ہے۔ عوام مشکلات سے دو چار ہو رہی ہے ۔
انٹرنیٹ کا حوالہ دیتے ہوئے عرضی میں کہا گیا ہے کہ ' سست رفتار انٹرنیٹ سے نہ صرف طلبا اور تاجر مشکلات کا سامنا کر رہے ہیں بلکہ خطے کی معیشت پر بھی منفی اثرات مرتب ہوئے ہیں۔'
آخر میں عدالت سے اپیل کرتے ہوئے درخواست دہندگان کا کہنا ہے کہ 'اب حالات بہتر ہو چکے ہیں، عدالتوں میں بھی روزانہ کی بنیادوں پر سماعتیں ہو رہی ہیں، کیسز کی تعداد میں بھی اضافہ ہوا ہے۔ ایسے میں گزارش ہے کہ دفعہ 370 کے حوالے سے بھی سماعت جلد از جلد کی جائے'۔
