وادی کشمیر میں کورونا وائرس کے مثبت معاملات میں ہو رہے مسلسل اضافے کے پیش نظر عائد کردہ محدود پیمانے کی پابندیوں کے بعد حکومت کی جانب سے دکانداروں کے لئے ایک ٹائم ٹیبل جاری کیا گیا ہے۔
ٹائم ٹیبل کے تحت ہفتے میں تین دن یعنی پیر، بدھ اور جمعہ کو کپڑے اور ریڈیمیڈ، بوٹیکس، درزیوں کی دکانیں، حجام، کاسمیٹک، بیوٹی پارلرس، جم، زیورات، ہارڈوئیر، سیمنٹ، تعمیراتی سامان کے اسٹور، موبائل فون اور الیکٹرانک سامان کی دکانیں وغیرہ کھلی رہا کریں گی جبکہ نظام الاوقات کے تحت دیگر دکانیں ہفتے کے باقی تین دن یعنی منگل، جمعرات اور سنیچر کے روز کھلی رہیں گی جس میں مٹھائیوں کی دکانیں، برتن، کھلونوں، جوتوں چپل اور اسٹیشنری کی دکانوں کے علاوہ آٹو موبائل شو رومز وغیرہ شامل ہیں۔
جزوی لاک ڈاؤن کے دوران دکانداروں کو 50فیصد دکانیں کھلی رکھنے کا پابند بنایا جا رہا ہے جبکہ مسافر گاڑیوں میں بھی 50 فیصد سواریوں کے ساتھ ہی سفر کرنے کی اجازت دی جا رہی ہے۔
جموں و کشمیر میں کورونا وائرس کی لہر شدت اختیار کر رہی ہے، ہر گزرتے دن کے ساتھ کورونا متاثرین اور مہلوکین کی تعداد میں اضافہ دیکھنے کو مل رہا ہے۔
