'چھاپہ نہیں، انسپکشن تھا'

ریجینل پاسپورٹ افسر کشمیر اور لداخ برج بھوشن ناگر نے اس واقعہ پر ای ٹی وی بھارت کو بتایا کہ اے سی بی کی ایک ٹیم ان کے آفس میں انسپکشن کے لیے آئی تھی نہ کہ چھاپے کے لیے۔

جموں و کشمیر کے دارالحکومت سرینگر میں واقع ریجینل پاسپورٹ آفس پر پولیس کی اینٹی کرپشن بیورو نے گزشتہ روز چھاپہ ڈالا تھا، تاہم اس پر تنازعہ کھڑا ہو گیا ہے۔

ریجینل پاسپورٹ افسر کشمیر اور لداخ برج بھوشن ناگر نے اس واقعہ پر ای ٹی وی بھارت کو بتایا کہ اے سی بی کی ایک ٹیم ان کے آفس میں انسپکشن کے لیے آئی تھی نہ کہ چھاپہ کے لیے۔

تاہم اے سی بی کی جانب سے اس معاملے پر کوئی بیان یا صفائی پیش نہیں کی۔

اس پورے معاملے پر برج بھوشن ناگر نے ای ٹی وی بھارت کے نمائندے سے گفتگو کی۔

انہوں نے کہا کہ ان کا کام پولیس اور سی آئی ڈی ویریفیکیشن پر ہی منحصر ہے اور پولیس کی کلیریسن کے بغیر وہ کسی شخص کو پاسپورٹ اجراء نہیں کر سکتے ہیں۔

انہوں نے کہا کہ اے سی بی پاسپورٹ دفتر کیوں آئی اس کا جواب پولیس بہتر طریقہ سے دے سکتی ہے۔