سرینگر: معاشی طور کمزور طلباء کے لیے این ایم ایم اسکالرشپ اسکیم سال 2022-23 کی خاطر درخواستیں جمع کرانے کی آخری تاریخ 31 اکتوبر 2022مقرر کی گئی۔ این این ایم اسکالرشپ اسکیم کے تحت مالی لحاظ سے کمزور طبقوں سے تعلق رکھنے والے قابل اور ہونہار طلباء کو وظیفہ فراہم کیا جاتا ہے تاکہ آٹھویں جماعت کے بعد وہ اپنی آگے کی تعلیم جاری رکھ سکیں اور مالی کمزوری ان کی پڑھائی ترک کرنے کا باعث نہ بن سکے۔ NMM Scholarship Last Date
ہر برس نویں جماعت کے منتخب طلباء کو مذکورہ اسکیم کے تحت ایک لاکھ نئے وظائف دیے جاتے ہیں۔ حکومت، سرکاری امداد یافتہ اور مقامی اداروں کے اسکولوں میں زیر تعلیم طلباء کے لیے دسویں سے بارہویں جماعت میں ان کے تسلسل کے لیے وظائف دیے جاتے ہیں۔ وظیفے کی رقم 12 ہزار سالانہ ہے۔ یہ اسکیم صد فیصد مرکزی اعانت سے چلائی جا رہی ہے۔ NMM Scholarship Last Date 31 October
- مزید پڑھیں: MANUU Distance Course Admission date Extended: مانو میں فاصلاتی کورسز میں داخلوں کی تاریخ میں توسیع
این ایم ایم ایس ایس وظیفہ ڈی بی ٹی موڈ پر عمل کرتے ہوئے پی ایف ایم ایس کے ذریعہ الیکڑنک منتقلی سے منتخب طلباء کے بینک کھاتوں میں راست جمع کی جاتی ہے۔ واضح رہے کہ وظیفہ حاصل کرنے کے لیے ٹیسٹ میں شامل ہونے کی خاطر طلباء کے پاس ساتویں جماعت میں کم از کم 55 فیصد نمبرات ہونے چاہیے۔
