اس حوالے سے پیپلز مومنٹ کے سربراہ سابق آئی اے ایس افسر شاہ فیصل نے این آئی اے کی جانب سے انجینیئر رشید کو سمن جاری کرنے پر سخت مذمت کی اور اس پر برہمی کا اظہاربھی کیا۔
انہوں نے کہا کہ عوامی اتحاد پارٹی کے سربراہ وادی کشمیر کے لوگوں کی موثر آواز ہیں اور اس آواز کو دبانے کے لیے اس قسم کے ہتھکنڈے استعمال کیے جارہے ہیں وہ بھی ایسے وقت جب وادی میں تشویش اور خوف و ہراس کی صورتحال پائی جارہی ہے۔
شاہ فیصل نے قومی تحقیقاتی ایجنسی سے مطالبہ کیا ہے کہ انجینیئر رشید سے پوچھ گچھ جلد مکمل کی جائے اور انہیں فوراً سرینگر واپس بھیجا جائے کیونکہ وادی کشمیر کی موجودہ صورتحال میں انجینیئر رشید جیسے رہنما کی کشمیری عوام کو سخت ضرورت ہے۔
