سرینگر: سجاد لون نے سرینگر میں پارٹی کی ایک تقریب سے خطاب کرتے ہوئے کہا کہ نیشنل کانفرنس کے دور اقتدار میں ایک لاکھ کشمیری لوگوں کو قبرستانوں میں دفن کیا گیا جن کے قتل کے ذمہ دار فاروق عبداللہ اور عمر عبداللہ ہیں۔ انہوں نے کہا کہ نیشنل کانفرنس لیڈران نے 16 ہزار کشمیریوں پر 'پبلک سیفٹی ایکٹ' نافذ کرکے انہیں جیل میں قید کیا تھا۔ Sajjad Lone Criticize Farooq Abdullah
سجاد لون نے مزید کہا کہ نیشنل کانفرنس قیادت جموں کشمیر کے عوام کو دفعہ 370 کی بحالی کے متعلق جھوٹ بول کر گمراہ کررہی ہے اور خود بی جے پی کے ساتھ ساز باز کرکے اقتدار میں آنا چاہتی ہے۔ سجاد لون نے دعویٰ کیا کہ پیپلز کانفرنس عوام کے ساتھ سچ کی سیاست کرے گی اور لوگوں کو جھوٹ بولنے والے سیاستدانوں کو سبق سکھانا چاہیے۔ اس تقریب کے دوران نیشنل کانفرس کے ایک لیڈر منظور وانی جو بڈگام کے خانصاحب حلقہ انتخاب کے رہنے والے ہیں، نے پیپلز کانفرنس میں شمولیت اختیار کی۔
