بیگم اکبر جہاں کی برسی پر نیشنل کانفرنس کی جانب سے خراج عقیدت

مادرِ مہربان بیگم اکبر جہاں کی برسی نیشنل کانفرنس کی جانب سے خراج عقیدت پیش کیا گیا۔ اس دوران فاروق عبداللہ اور عمر عبداللہ سمیت دیگر رہنما موجود تھے۔

جموں و کشمیر کے دارالحکومت سرینگر میں نیشنل کانفرنس کی جانب سے مادرِ مہربان بیگم اکبر جہاں کی 21 ویں برسی پر انہیں خراج عقیدت پیش کیا گیا۔

اس سلسلے میں پارٹی کی جانب سے ان کے مقبرہ نسیم باغ حضرت بل میں تقریب کا انعقاد کیا گیا جس میں پارٹی کے صدر و رکن پارلیمان ڈاکٹر فاروق عبداللہ، نائب صدر عمر عبداللہ کے علاوہ دیگر لیڈران و کارکناں نے شرکت کی۔

اس دوران مرحومہ بیگم جہاں اور مرحوم شیخ عبداللہ دونوں کی قبروں پر چادر و گل پوشی اور فاتحہ خوانی کی گئی۔

میڈیا سے گفتگو کے دوران ڈاکٹر فاروق عبداللہ نے کہا کہ جموں کے الگ مسائل ہیں جبکہ کشمیر الگ مسائل سے جوجھ رہا ہے اس لیے ان دونوں کے مسائل کو جوڑنا صحیح نہیں ہے۔