جموں و کشمیر کے سابق نائب وزیراعلیٰ اور سینیئر سیاسی رہنما مظفر حسین بیگ آج سجاد لون کی قیادت والی پیپلز کانفرنس میں شامل ہوئے۔ اس کے علاوہ سابق پی ڈی پی ایم ایل سی یاسر ریشی بھی پی سی میں شامل ہوئے۔
تاہم حیران کن بات یہ ہے کہ یہ تقریب مظفر بیگ کی رہائش گاہ پر منعقد ہوئی۔
پیپلز کانفرنس کے ایک سینیئر رہنما نے ای ٹی وی بھارت کو بتایا تھا کہ 'مظفر حسین بیگ کو ہم کافی دنوں سے پارٹی میں شمولیت کی دعوت دے رہے تھے۔'
مظفر حسین بیگ نے گزشتہ برس نومبر ماہ میں ضلع ترقیاتی انتخابات کے دوران سیٹوں کی تقسیم کے معاملے پر پی ڈی پی کو الوداع کہہ دیا تھا۔
قابل ذکر ہے کہ دو روز قبل سرکردہ شیعہ رہنما عمران رضا انصاری نے پیپلز کانفرنس کے جنرل سیکریٹری کے عہدے پر استعفے دیا تھا-
یہ بھی پڑھیں: کان کنی کے ٹھیکوں کا جائزہ نہ لیا گیا تو ہم احتجاج کریں گے: الطاف بخاری
سابق وزیر عمران رضا نے پی ڈی پی سے سنہ 2020 میں علیٰحدگی اختیار کر کے سجاد لون کی قیادت والی پیپلز کانفرنس میں شمولیت اختیار کی تھی۔
مظفر بیک کے شمولیت کے دوران پیپلز کانفرنس کے صدر سجاد لون، سینئر لیڈر عابد انصاری، بشیر ڈار اور عرفان پنڈت پوری موجود تھے۔
