جموں و کشمیر کے ریاسی میں پیر کے روز بھارت رکھشا منچ نامی تنظیم کے ایک رہنما کی جانب سے پیغمبر اسلام کے بارے میں توہین آمیز بیان کے خلاف عوام میں شدید غم و غصہ پایا جارہا ہے۔ اس سلسلہ میں مفتی اعظم کشمیر ناصر الاسلام نے توہین آمیز تبصرے کی مذمت کی ہے اور جمعہ کے روز نماز کے بعد پُرامن احتجاج کی کال دی ہے۔
بعد نماز جمعہ پُرامن احتجاج کیا جائے: مفتی اعظم کشمیر
جموں و کشمیر کے مفتی اعظم مفتی ناصر السلام نے ایک ویڈیو پیغام جاری کیا جس میں انہوں نے حکومت سے مطالبہ کیا کہ بھارت رکھشا منچ سے وابستہ افراد پر پبلک سیفٹی ایکٹ عائد کیا جائے کیونکہ ان لوگوں نے نہ صرف مسلمانوں کے جزبات کو ٹھیس پہنچائی ہے بلکہ ایسی حرکتوں سے خطہ میں مذہبی کشیدگی پھیل سکتی ہے۔
انہوں نے عوام سے اپیل کی کہ وہ پُرامن رہے اور جمعہ کے روز بعد نماز پُرامن احتجاج کر کے اپنی ناراضگی کا اظہار کریں۔
