آکاش مہرا ولد رمیش مہرا نامی کو شدید زخمی حالت میں فوری طور پر ایس ایم ایج ایس ہسپتال منتقل کیا گیا ہے ۔جہاں اس کا علاج کیا جارہا ہے ۔تاہم مذکورہ شخص کی حالت ابھی تشویش ناک بتائی جارہی ہے۔
ایس ایم ایچ ایس ہسپتال کے میڈیکل سپرنٹنڈنٹ نے ای ٹی وی بھارت کو بتایا کہ آکاش مہرا کو شدید زخمی حالت میں ہسپتال لایا گیا ہے جہاں اس کا علاج کیا جارہا ہے۔
اس حملے سے متعلق سوشل میڈیا پر مسلم جانباز فورس جموں وکشمیر نامی عسکریت پسند تنظیم کی جانب سے اردو میں لکھا ہوا ایک بیان وائر ہورہا ہے جس میں درگا ناگ سرینگر میں کرشنا ڈھابے کے مالک پر حملے کی زمہ داری قبول کی گئ ہے۔ وہیں اس میں یہ بھی لکھا گیا ہے کہ غیر ریاستی ڈومسائل حاصل کرنے والوں کا یہی انجام ہوگا۔
یہ بھی پڑھیں: شوپیاں: گولیوں کی آواز سنائی دینے کے بعد کلورہ علاقے کا محاصرہ
پولیس نے ابتدائی طور معاملہ درج کرکے حملے کی تحیقیات شروع کر دی ہے ۔
ادھر این سی کے نائب صدر عمر عبدللہ نے اپنے ٹویٹ پیغام میں کرشنا ڈھابہ کے مالک کے بیٹے پر کئے گئے حملے کو افسوسناک قرار دیا اور کہا کہ اس طرح کے حملے برداشت نہیں کیےجاسکتے ہیں ۔عمر عبداللہ نے مذکورہ شخص کی صحت یابی کے لیے دعا کی۔
وہیں عوام نیشنل کانفرنس کے نائب صدر نے بھی اس واقعہ کی سخت الفاظ میں مزمت کرتے ہوئے اسے بدقسمتی سے تعبیر کیا ہے۔
