محکمہ موسمیات نے پیش گوئی کی ہے کہ آئندہ چند دنوں میں جموں و کشمیر کے بیشتر علاقوں میں بارش ہو سکتی ہے۔
محکمہ کے مطابق جموں و کشمیر کے گلمرگ، کپوارہ، سوپور، بارہمولہ، سرینگر میں بارش ہو سکتی ہے۔
انہوں نے کہا کہ 18 جون تک مطلع ابر آلود رہے گا اور بارش بھی ہوتی رہے گی۔
انہوں نے کسانوں سے اپیل کی ہے کہ ناسازگار موسم کے دوران باغوں اور کھیتوں میں ادویات کا چھڑکاؤ نہیں کیا جائے۔
سرینگر میں گزشتہ 24 گھنٹوں کے دوران 1.8 ملی میٹر بارش ہوئی جبکہ کپوارہ اور گلمرگ میں بالترتیب 1.2 اور 0.8 ملی میٹر بارش ہوئی۔
اس طرح جموں میں بھی بارش کا سلسلہ جاری ہے۔
واضح رہے کہ جموں و کشمیر شدید گرمی کی لپیٹ میں تھا۔ تاہم گزشتہ دو روز سے جاری بارش نے موسم کو خوشگوار بنایا ہے اور عوام نے راحت کی سانس لی۔
