سرکاری ذرائع نے بتایا کہ بٹہ مالو کی شیخ حمزہ کالونی میں اتوار کی شب شبیر احمد شیخ کے رہائشی مکان میں آگ لگ گئی۔ انہوں نے کہا کہ آگ کے شعلوں نے چشم زدن میں متصل مکانوں کو بھی اپنی زد میں لے لیا۔ Massive Fire in Battamaloo Area of Srinagar
ان کا کہنا تھا کہ اطلاع موصول ہوتے ہی فائر برگیڈ کی گاڑیاں موقع پر پہنچ گئی، لیکن آگ پر قابو پانے کی کوششوں کے باوجود کم سے کم 8 مکان خاکستر ہو گئے۔ Massive Fire in Battamaloo Area of Srinagar
ذرائع نے بتایا کہ اس دوران محکمہ فائر اینڈ ایمرجنسی سروسز کے کم سے کم دس اہلکار زخمی بھی ہوگئے، جن میں تین اہلکار شدید زخمی بتائے جا رہے ہیں۔ زیادہ زخمی ہونے والے اہلکاروں کی شناخت محمد احسان ملہ، الطاف احمد راتھر اور اکشے سہگل کے طور پر ہوئی ہے۔
انہوں نے کہا کہ خاکستر ہونے والے مکانات میں سے بیشتر تین منزلہ ڈھانچے تھے، جن میں چوبیس کنبے رہائش پذیر تھے۔ مذکورہ ذرائع نے بتایا کہ آگ لگنے کی وجوہات معلوم کی جا رہی ہیں۔ Massive Fire in Battamaloo Area of Srinagar
دریں اثنا مقامی لوگوں کا کہنا ہے کہ یہ مزدور پیشہ لوگوں کی بستی ہے، جو اجڑ گئی۔
انہوں نے کہا کہ یہ لوگ بے گھر ہوگئے ہیں اور ان کا سب کچھ مال و اسباب راکھ کے ڈھیر میں تبدیل ہوگیا ہے۔ انہوں نے حکام سے متاثرین کی بھر پور مالی مدد کرنے کی اپیل کی۔
یہ بھی پڑھیں:
Fire Breaks out in Ganderbal: گاندربل میں بھیانک آتشزدگی، مکان خاکستر
فی الحال پولیس نے اس ضمن میں ایک کیس درج کرتے ہوئے تحقیقات شروع کر دی ہے۔ Massive Fire in Battamaloo Area of Srinagar
