مرکز کے زیر انتظام جموں و کشمیر کی گرمائی دارالحکومت سرینگر میں رہنما خطوط کی خلاف ورزی کی پاداش میں کئی دکانوں کو سربمہر کیا گیا۔
نمائندے کے مطابق ضلع انتظامیہ کے اعلیٰ افسران نے پیر کو سرینگر کے مختلف بازاروں کا دورہ کیا۔ دورے کے دوران سرکار اور محکمہ صحت کی جانب سے جاری کیے گئے رہنما خطوط کی خلاف ورزی کرنے کے پاداش میں کئی دکانوں اور شاپنگ مالز کو سربمہر کیا گیا۔ اس دوران کئی دکانداروں سے جرمانہ بھی وصول کیا گیا۔
اس موقع پر سب ضلع مجسٹریٹ شاذیہ اختر نے میڈیا سے بات کرتے ہوئے کہا کہ کویڈ 19 کے پھیلائو کو روکنے کے لیے ایسے اقدام کی اشد ضرورت ہے جبکہ اس دوران انتظامیہ نے پہلے ہی ہدیات جاری کر دی تھیں جس کی خلاف ورزی کرنے کی کسی کو بھی اجازت نہیں دی جائے گی۔
