Two IAS Officers Transferred جموں و کشمیر میں دو سینیئر آئی اے ایس افسران کا تبادلہ

جموں و کشمیر انتظامیہ نے آئی اے ایس افسر ڈاکٹر مندیپ بھنڈاری کو ایل جی کے پرنسپل سیکریٹری جبکہ ڈاکٹر عابد رشید کو سیکریٹری سیاحت کے عہدے پر تعینات کیا ہے۔

سرینگر: جموں و کشمیر انتظامیہ نے پیر کے روز دو آئی اے ایس افسران کا تبادلہ کر دیا ہے، اس کے علاوہ آج صبح انتظامیہ نے سینیئر آئی پی ایس آفیسر نتیش کمار کو کشمیر کے کرمنل انویسٹی گیشن ڈیپارٹمنٹ (سی آئی ڈی) کا انسپکٹر جنرل تعینات کیا ہے۔ انتظامیہ نے آج ڈاکٹر مندیپ کمار بھنڈاری اور ڈاکٹر سید عابد رشید شاہ کے تبادلے کا حکم جاری کیا ہے۔

جموں و کشمیر انتظامیہ کی جانب سے جاری حکم نامے کے مطابق آئی اے ایس افسر ڈاکٹر مندیپ کمار بھنڈاری، جو کہ ایڈجسٹمنٹ کے احکامات کا انتظار کر رہے تھے، کو لیفٹیننٹ گورنر کے پرنسپل سیکرٹری کے طور پر تعینات کیا گیا ہے۔اس کے علاوہ موصوف اپنے فرائض کے علاوہ چیف ایگزیکٹیو آفیسر، شری امرناتھ جی شرائن بورڈ کے عہدے کا چارج بھی سنبھالیں گے۔

Mandeep Bhandari posted as Principal Secy to LG, Abid Rasheed admin secy Tourism

حکم نامے میں مزید کہا گیا ہے کہ آئی اے ایس افسر ڈاکٹر سید عابد رشید شاہ، جو سکریٹری ثقافت اور چیف ایگزیکٹو آفیسر، اکنامک ری کنسٹرکشن ایجنسی، جموں و کشمیر کے اضافی چارج پر فائز ہیں کو تبدیل کرکے سیکرٹری محکمہ سیاحت کے عہدے پر تعینات کیا گیا ہے۔ اس عہدے پر اس سے پہلے سرمد حفیظ تعینات تھے جنہیں حال ہی میں یوتھ سروسز اینڈ سپورٹس ڈیپارٹمنٹ کے سیکرٹری کے طور پر تعینات کیا گیا ہے۔

حکم نامے میں مزید کہا گیا ہے کہ سید عابد رشید اگلے احکامات تک اپنی ذمہ داریوں کے علاوہ محکمہ ثقافت کے اور چیف ایگزیکٹو آفیسر، اکنامک ری کنسٹرکشن ایجنسی، جموں و کشمیر کا چارج بھی سنبھالیں گے۔