سرینگر: جموں و کشمیر پولیس نے کالج لڑکی سے چھیڑ چھاڑ کے الزام میں ایک شخص کو گرفتار کیا ہے۔ واضح رہے کہ ہفتے کے روز متاثرہ لڑکی کا ویڈیو سوشل میڈیا پر وائرل ہونے کے بعد پولیس نے نوجوان کی گرفتاری عمل میں لائی۔
سرینگر پولیس نے ٹویٹ کے ذریعے جانکاری دیتے ہوئے بتایا کہ ایک ملزم عادل عزیز ساکن سیدہ کدل رعناواری سرینگر کو حراست میں لیا گیا ہے۔ انہوں نے بتایا کہ اسلامیہ کالج سرینگر میں زیر تعلیم طالبہ کے ساتھ چھیڑ چھاڑ کرنے کے الزام میں نوجوان کی گرفتاری عمل میں لائی گئی۔ عوامی حلقوں نے پولیس کی اس کارروائی کو سراہتے ہوئے کہا کہ ملزم کے خلاف سخت سے سخت قانونی کارروائی عمل میں لانے کی ضرورت ہے تاکہ دوسرے اس سے سبق حاصل کر سکے۔
یہ بھی پڑھیں:
