جموں و کشمیر کی سڑکوں کی حالت کو بہتر بنانے اور عوام کو سہولت پہنچانے کے مقصد کے لیے ایک اہم اقدام اٹھاتے ہوئے لیفٹیننٹ گورنر جی سی مرمو نے جموں و کشمیر کی سڑکوں کی مرمت کے لیے میکڈامائزیشن پروگرام شروع کرنے کا اعلان کیا ہے۔
تفصیلات کے مطابق سڑکوں کی خراب حالت اور اس سے منسلک مسائل سے متعلق شکایات موصول ہونے کے بعد لیفٹیننٹ گورنر نے میکڈامائزیشن پروگرام شروع کرنے کا اعلان کیا ہے۔
اس پروگرام کے تحت جموں و کشمیر کی سڑکوں کو سو فیصد تاکول بچھانے کی منظور دی گئی ہے۔
اس سلسلے میں ایک کمیٹی تشکیل دی گئی ہے، جس میں محکمہ خزانہ کے کمشنر، پی ڈبلیو، آر اینڈ بی کے پرنسپل سکریٹری، سکریٹری (پلاننگ) اور محکمہ دیہی ترقی کے سکریٹری شامل ہیں۔
یہ کیمٹی مقررہ وقت پر تمام سڑکوں کی 100 فیصد میکڈامائزیشن کو یقینی بنانے کے لیے ایک روڈ میپ اور فنانسنگ پلان تیار کرے گی۔ کمیٹی کو 10 اگست تک اپنی رپورٹ پیش کرنے کی ہدایت دی گئی ہے۔
کشمیری پنڈت کی آخری رسومات انجام دینے میں مسلمان پیش پیش رہے
دریں اثنا لیفٹیننٹ گورنر نے ترجیحی سڑکوں پر میکڈم بچھانے کے کام کو شروع کرنے کے لئے محکمہ تعمیراتِ عامہ کے حق میں 200 کروڑ روپے کی پہلی قسط واگزار کرنے کا اعلان کیا ہے۔
وہیں جموں و کشمیر تمام اضلاع میں بھی ایک کمیٹی تشکیل دی جائے گی، جس کی صدرات ڈپٹی کمشنر کریں گے۔ اس کے علاوہ ایگزیکٹو انجینئر، پی ڈبلیو ڈی اور اے سی ڈی اس کمیٹی کے ممبران ہونگے۔
یہ کمیٹی ضلع سطح پر سڑکوں کی ترجیحی طور میکڈم بچھانے کے کام کا فیصلہ لے گی۔
