اطلاعات کے مطابق کورونا کی وجہ سے نافذ پابندیوں کی آڑ میں متعدد علاقوں میں غیر قانونی تعمیراتی کا کام جاری تھا جس پر لاوڈا نے کارروائی کرتے ہوئے مختلف غیر قانونی تعمیراتی ڈھانچے منہدم کیے۔
لیکس اینڈ وائر ویز ڈیولپمنٹ اتھارٹی کی انفورسمنٹ ونگ نے خواجہ باغ تیل بل،کرالہ محلہ اشبر نشاط، سیدا کدل،فرنڈس کالونی شالیمار اور رعناواری علاقے میں کارروائی کرتے ہوئے تعمیراتی ڈھانچوں کو منہدم کیا۔
گرین بیلٹ میں غیر قانونی طور پر بنائے جارہی ایک منزلہ اور دو منزلہ عمارتوں کے علاوہ مختلف زیر تعمیر دوکانوں کو بھی لاوڈا کی انفورسمنٹ ونگ کے اہلکاروں نے بروقت کارروائی کرتے ہوئے منہدم کردیا۔
دوسری جانب انفورسمنٹ ونگ کے اہلکاروں کو اپنی کارروائی انجام دینے کے دوران جوگی لنکر رعناواری علاقے میں لوگوں کی جانب سے مزاحمت کا بھی سامنا کرنا پڑا۔
واضح رہے کئی عناصر کورونا لاک ڈاؤان کا ناجائز فائدہ اٹھا کر قانون کی خلاف ورزی کرتے ہوئے بغیر کسی اجازت یا قانون کے ایسے مقامات پر تعمیرات کھڑا کرنے کے طاق میں رہتے ہیں جہاں پہلے سے ہی متعلق محکمے نے پابندی عائد کر رکھی ہے، جس پر کارروائی کرتے ہوئے لاوڈا نے تعمیر ڈھانچوں کو منہدم کیا۔
