سرینگر:بھارتیہ جنتا پارٹی کے قومی جنرل سیکرٹری ترون چگ نے کوکرناگ تصادم میں ہلاک ہوئے فوجی کرنل، ایک میجر سمیت پولیس کے ڈپٹی ایس پی کے ہلاکت کی سخت الفاظ میں مذمت کی ہے۔ انہوں نے کہا کہ ہمارے بہادروں کے قاتل بغیر سزا کے نہیں بچیں گے۔ انہوں نے منپریت سنگھ،19 آر آر کے کمانڈنگ آفیسر میجر آشیش اور ڈپٹی ایس پی ہمایوں بٹ کو زبردست الفاظ میں خراج پیش کرتے ہوئے کہا کہ یہ عسکریت پسندوں کی مایوس کن اور بزدلانہ کارروائی ہے ،جس سے ان کے عزائم کو فیصلہ کن طور پر ناکام بنانے کے لیے سیکورٹی فورسز کے عزم کو مزید تقویت ملے گی۔
انہوں نے کہا کہ ہماری بہادر افواج کے اہلکاروں کی قربانی ناقابل فراموش ہے اور قاتلوں کو قرار واقعی سزا دی جائے گی۔ ترون چگ نے کہا کہ پاکستان جموں وکشمیر کے امن و امان کے ماحول کو خراب کرنے میں کوئی کسر نہیں چھوڑ رہا ہے اور جموں وکشمیر کے لوگوں کے زخم دینے کے لیے دن رات اپنے مذموم حربے استعمال کررہا ہے۔انہوں نے ہلاکتوں کی مذمت کی اور فورسز اہلکاروں کے اہل خانہ سے دلی ہمدردی کا اظہار کیا۔
مزید پڑھیں:
- کشمیر کے مختلف اضلاع میں کینڈل لائٹ مارچ نکالا گیا، کوکرناگ واقعے کی مذمت
- ہمایون کی آخری رسومات کے دوران باب نے کیا ہمت اور صبر کا مظاہرہ
- ’ہمایون جیسے افسران کی قربانیوں سے ہی امن قائم ہے‘
واضح رہے کہ نیشنل کانفرنس نے صدر و ممبر پارلیمنٹ ڈاکٹر فاروق عبداللہ نے کہا کہ جب تک بھارت اور پاکستان آپس میں بات چیت نہیں کریں گے تب تک امن قائم نہیں ہوگا۔انہوں نے کہا کہ لڑائی سے کوئی مسئلہ حل نہیں ہوا ہے بلکہ بات چیت سے قیام امن کو یقینی بنایا جا سکتا ہے۔
