کشمیر مسئلے پر کانگریس اور بی جے پی ہر گزرتے دن ایک دوسرے پر لفظی حملے کرتے ہوئے نظر آتے ہے۔ کانگریس پارٹی کے سینیئر لیڈر و میڈیا سربراہ جے رام رمیش نے اس بار مرکزی وزیر قانون کرن رجیجو پر تنقید کرتے ہوئے کہا کہ وزیر قانون عوامی تقریب میں جموں و کشمیر کے بھارت سے الحاق کے بارے میں بات کرنے کی ہمت نہیں رکھتے ہے۔
جے رام رمیش نے ٹویٹر پر لکھا کہ "اس میں(مرکزی وزیر قانون) ہمت نہیں ہے۔ وہ جھوٹ بول رہا ہے جو اس نے اپنے باس کو خوش کرنے کے لیے ایسا لکھ رہے ہے۔"
جے رام رمیش کا ردعمل وزیر قانون کرن رجیجو کی تحریر کے بعد آیا ہے جس میں انہوں نے "نہرو حکومت کی پانچ غلطیان "تحریر کی جس کے نتیجے میں مسئلہ کشمیر پیدا ہوا۔
جے رام رمیش نے ایک تحریر بھی ٹویٹ کرتے ہوئے لکھا کہ" اسے کرن رجیجو اور ان کے لوگوں جیسے جھوٹ کے بیوپاریوں اور سیوڈو مورخین کو پڑھنا چاہیے۔"
بتادیں کہ مرکزی وزیر قانون کرن رجیجو نے اکتوبر 27 کو ایک تحریر بعنوان" نہرو کی غلطیوں کی 75 ویں برسی: بھارت کا خون بہا"۔وزیر قانون نے اس تحریر میں نہرو کی پانچ غلطیوں کا ذکر کیا جس سے کشمیر مسئلے نے جنم لیا۔
- نہرو کی پہلی غلطی: نہرو نے جموں و کشمیر کے الحاق میں تاخیر کی۔
- نہرو کی دوسری غلطی :جموں و کشمیر الحاق کو عارضی بنایا اور جان بوجھ کر اسے خصوصی بنانے کا فیصلہ کیا
- تیسری غلطی نہیرو نے کشمیر مسئلے کو بین الاقوامی فورم پر لایا
- چوتھی غلطی: نہرو کا کشمیر میں رائے شماری کا اصرار
- پانچوں غلطی: جموں و کشمیر کے لیے خصوصی دفعہ 370بنانا
