مرکزی زیر انتظام جموں وکشمیر میں سرینگر کے بمنہ علاقے سے تعلق رکھنے والے پی ایچ ڈی اسکالر گزشتہ ماہ لا پتہ ہوئے۔
گمشدہ پی ایچ ڈی اسکالر کو بازیاب کرنے کا مطالبہ
ہلال احمد کے اہل خانہ نے بدھ کو سرینگر کی پریس کالونی میں مظاہرے کے دوران ڈیڑھ ماہ سے لاپتہ پی ایچ ڈی اسکالر ہلال احمد کو ڈھونڈ نکالنے کی انتظامیہ اور پولیس سے اپیل کی۔
ہلال کے اہل خانہ نے ہاتھوں میں پلے کارڈس اٹھا رکھے تھے جن پر ’’پی ایچ ڈی سکالر ہلال احمد کو بازیاب کرو‘‘ اور ’’جموں و کشمیر پولیس ہماری مدد کرو‘‘ کے نعرے درج تھے۔
پی ایچ ڈی اسکالر کے اہل خانہ نے میڈیا سے بات کرتے ہوئے کہا کہ ’’ہلال ایک ہونہار اور محنتی طالب عمل ہے، اُس نے غربت و افلاس کی زندگی بسر کی ہے، ہم انتظامیہ خصوصا پولیس سے اسے بازیاب کرنے کی درخواست کرتے ہیں۔‘‘
مظاہرے میں شامل خواتین نے روتے بلکتے اپنے لخت جگر کو ڈھونڈنے میں انتظامیہ سے مدد کی اپیل کی۔
