گزشتہ دو ماہ سے جموں و کشمیر کی انتظامیہ نے سرینگر اور دیگر اضلاع میں سینکڑوں ہوٹل اپنی تحویل میں لے کر انکو قرنطینہ مراکز کے لیے استعمال میں لایا جا رہا ہے۔ تاہم ابھی تک انتظامیہ نے ان مالکان کو کرایہ کا ایک بھی پیسہ ادا نہیں کیا ہے جس سے ہوٹل مالکان مزید مالی مشکلات سے دوچار ہو رہے ہیں۔
گزشتہ برس پانچ اگست کے بعد نامساعد حالات کے باعث سیاح وادی سے دور ہی رہے جس سے ہوٹل تالہ بند رہے اور ہوٹل مالکان مالی بدحالی سے جوجھ رہے ہیں۔
کشمیر: ہوٹل مالکان کا انتظامیہ سے کرائے کا مطالبہ
کورونا وائرس کے پھیلائو کو روکنے کے لیے جہاں انتظامیہ کی جانب سے کئی اقدامات اٹھائے گئے وہیں کووڈ19 مشتبہ افراد کو الگ تھلگ قرنطینہ میں رکھنے کے لیے متعدد نجی ہوٹلوں کو انتظامیہ نے اپنی تحویل میں لے لیا۔
