Karnataka Election Result کرناٹک کے لوگوں نے امید کی کرن دکھائی، محبوبہ مفتی

کرناٹک اسمبلی انتخابات میں کانگریس نے جیت حاصل کی ہے۔ کانگریس نے 136 سیٹوں پر جیت درج کی وہیں بی جے پی صرف 65 سیٹوں تک ہی سمٹ کر رہ گئی۔ جے ڈی ایس نے 19 سیٹوں اور آزاد امیدوارں نے 4 سیٹوں پر جیت حاصل کی ہے۔

سرینگر: کرناٹک اسمبلی انتخابات کے نتائج کو "امید کی کرن" قرار دیتے ہوئے پیپلز ڈیموکریٹک پارٹی کی صدر محبوبہ مفتی نے امید ظاہر کی کہ ملک کے باقی حصوں میں بھی فرقہ وارانہ سیاست کو مسترد کیا جائے گا اور ملک میں ترقی و خوشحالی کے لیے ووٹ ڈالے جائیں گے۔ انہوں نے کہاکہ بی جے پی نے کرناٹک میں خوب فرقہ پرستی پر مبنی سیاست کی۔ وزیراعظم نے اپنی انتخابی تقریر میں مذہبی سیاست کرنے کی کوشش کی، اس کے باوجود لوگوں نے ان مسائل کو یکسر متسرد کیا۔

انہوں نے کہا کہ کرناٹک کے لوگوں نے ترقی کے مسئلے کا انتخاب کیا جس پر کانگریس نے اپنی مہم چلائی تھی۔ کانگریس رہنما راہل گاندھی، پرینکا گاندھی اور دیگر کانگریس لیڈران نے انتخابات ترقی، روزگار اور فلاحی اسکیموں پر لڑا جس کے حق میں لوگوں نے ووٹ دیئے۔ واضح رہے کہ کرناٹک قانون ساز اسمبلی کی 224 سیٹوں کے لیے ووٹنگ 10 مئی کو ہوئی تھی۔ ووٹوں کی گنتی آج صبح شروع ہوئی ہے۔ تازہ رجحانات کے مطابق کرناٹک اسمبلی انتخابات میں کانگریس نے جیت حاصل کی ہے، کانگریس نے 136 سیٹوں پر جیت حاصل کی،وہیں بی جے پی نے صرف 65 سیٹوں پر جیت درج کیجبکہ جے ڈی ایس نے محض 19 سیٹوں اور آزاد امیدوارں نے 4 سیٹوں پر جیت حاصل کی ہے۔

دریں اثناہ کانگریس کے کارکنان نے ملک بھر می کرناٹک اسمبلی انتخابات میں کانگریس کی جیت پر سڑکوں پر آکر جشن منایا اور پٹاخے چھوڑے۔