پورے ملک کے ساتھ ساتھ مرکز کے زیر انتظام جموں و کشمیر کے دارالحکومت سرینگر میں بھی آج جموں و کشمیر پردیش کانگریس کمیٹی کی جانب سے پیٹرول اور ڈیزل کی قیمت میں اضافے کے خلاف حتجاج کیا گیا۔
تفصیلات کے مطابق ملک میں بڑھتی مہنگائی کے خلاف خاص کر پیٹرول اور ڈیزل کی قیمتوں میں اضاف کے خلاف ملانا آزاد روڈ پر واقع پارٹی ہیڈ کوارٹر میں احتجاج کیا گیا۔ احتجا میں پارٹی سے وابستہ کئی سینٸیر رہنما اور کارکنان نے حصہ لیا۔
کارکنان کے ہاتھوں میں پلے کارڈس موجود تھے جن پر پیٹرول اور ڈیزل کی کمیتوں کو کم کرنے سے متعلق نعرے لکھے تھے۔
یہ بھی پڑھیں: کشمیر میں 'جمعہ' کے پیش نظر لاک ڈاؤن، معمولات زندگی متاثر
جموں و کشمیر یونٹ کے جنرل سیکرٹری چینی سنگھ نے ای ٹی وی بھارت سے کہا کہ جب سے مودی سرکار میں مہنگائی کے تمام ریکارڈ توڈ دیے ہیں۔ موجودہ حکومت کی غلط پلیسیوں سے پورے بھارت کو اقتصادی طور پر کمزور کیا گیا ہے۔ پیٹرول کی قیمت سو روپے تک پہونچ چکی ہے جو ایک لمحہ فکر کی بات ہے۔ چینی سنگھ نے مرکزی سرکار سے پٹرول اور ڈیزل کی قیمتوں کو کم کرنے کی اپیل کی۔
