جموں کشمیر پولیس کے سربراہ دلباغ سنگھ کو مرکزی کابینہ کی تعیناتی کمیٹی نے مرکزی سرکار میں ڈائریکٹر جنرل کے عہدے پر فائز ہونے کے لئے ایمپنیل کیا ہے۔
سنہ 1987 بیچ کے آئی پی ایس افسر دلباغ سنگھ اکتوبر 2018 میں گورنر ستیہ پال ملک کے دور میں جموں و کشمیر پولیس کے ڈائریکٹر جنرل کے عہدے پر تعینات کئے گئے تھے۔
مزید پڑھیں؛ دفعہ 370 کے خاتمے کی اطلاع کسی کو نہیں تھی: حکومت
دلباغ سنگھ کے علاوہ 29 پولیس افسران کو کابینہ نے ایمپنل کیا ہے۔ اس فیصلے کی روشنی میں وہ مرکزی سرکار میں ڈی جی کے عہدے پر فائز ہونے کے قابل بن گئے ہیں۔
بتایا جاتا ہے کہ اس عہدے میں ایمپنل ہونے کے بعد ان کا جموں وکشمیر سے تبادلہ کئے جانے کا امکان ہے۔
