میٹنگ کے دوران جموں وکشمیر میں کووڈ 19 کے پھیلاؤ کے چلتے ایل جی مرمو نے افسران کے ساتھ مختلف امور پر تبادلہ خیال کیا اور اس دوران انہوں نے افسران کو ہدایات دی کہ وہ لاک ڈاؤن پر سختی سے عملدرآمد کو یقینی بنائیں-
میٹنگ میں جموں و کشمیر یونین ٹیریٹری انتظامیہ کے تمام اعلیٰ افسران نے شرکت کی-
جموں و کشمیر میں کووڈ 19 سے متاثرہ کیسز میں ہورہے مسلسل اضافے کے پیش نظر لیفٹیننٹ گورنر نے افسران کو ہدایات دی کہ وہ ریڈ زون میں شامل علاقوں میں سختی سے لاک ڈاؤن کو یقینی بنائیں-
انہوں نے کہا کہ افسران پر یہ ذمہ داری عائد ہوتی ہے کہ وہ متعلقہ علاقوں میں قرنطینہ کے نظام کو مستحکم بنانے میں اپنا رول نبھائیں اور لوگوں کے سماجی روابط کے بجائے الگ تھلگ رہنے پر انہیں سختی سے عمل پیرا ہونے کو یقینی بنائیں۔
