سرینگر: جموں و کشمیر انتظامیہ نے سکمز صورہ کے نئے ڈائریکٹر کی تقرری کا عمل شروع کر دیا ہے اور اس عہدے کے لیے آن لائن درخواستیں طلب کرنے کا نوٹیفکیشن بھی جاری کر دیا گیا ہے۔ یہ نوٹیفکیشن شیرِ کشمیر انسٹی ٹیوٹ آف میڈیکل سائنس صورہ کی ویب سائٹ پر دستیاب ہے۔ جاری کردہ نوٹیفکیشن کے مطابق امیدوار کی تقرری کی میعاد کی بنیاد پر زیادہ سے زیادہ پانچ سال تک کی جائے گی یا اس وقت تک جب تک کہ تقرری 65 برس کی عمر کو پہنچ جائے۔ وہیں نوٹیفکیشن میں کہا گیا ہے تاہم اس کا انسٹی ٹیوٹ کے دیگر فیکلٹی ممبران یا عملے کی ریٹائرمنٹ کی عمر پر کوئی اثر نہیں پڑے گا۔
یہ بھی پڑھیں:
SKIMS Radiology Dept سکمز صورہ کے ریڈیالوجی شعبہ کو وسعت دی جارہی ہے
نوٹیفکیشن میں مزید کہا گیا ہے کہ سکمز صورہ کی گورننگ باڈی ڈائریکٹر کے عہدے کے لیے تقرر کرنے والی اتھارٹی ہوگی۔ایسے فارم جمع کرنے کی تاریخ 16 دسمبر 2023 سے 15 جنوری 2024 مقرر کی گئی ہے۔ قابل ذکر ہے کہ سکمز صورہ کے موجودہ ڈائریکٹر ڈاکٹر پرویز اے کول جو کہ 31 دسمبر 2021 سے اس عہدے پر فائز ہیں اگلے برس فروری کے آخر میں سبکدوش ہوجائیں گے۔ واضح رہے کہ دس برس قبل مرکزی حکومت نے صورہ میڈیکل انسٹی ٹیوٹ میں ریڈیا لوجی شعبہ کو فروغ دینے اور جدید مشینری کو نصب کرنے کی خاطر ایک سو کروڑ روپیے کی امداد فراہم کی تھی، تاہم نامعلوم وجوہات کی بنا پر اس حوالہ سے اقدامات نہیں اٹھائے گئے تھے۔
