مرکز کے زیر انتظام جموں و کشمیر کے سرینگر میں ضلع انتظامیہ کی جانب سے کورونا مریضوں کو مفت کووڈ کیٹ تقسیم کیے گئے۔ چیف میڈیکل آفیسر سرینگر کی زیر صدارت میں یہ کیٹ ہوم کونٹائن مریضوں کو ان کے گھروں تک پہنچائے گئے۔
اس دوران محکمہ صحت سے وابستہ میڈیکل ٹیم نے گھر گھر جا کر یہ کووڈ کیٹ تقسیم کیں۔ اس میں کووڈ سے متعلق جانکاری اور کچھ ادویات موجود ہیں۔
چیف میڈیکل ڈاکٹر سلیم خان نے ای ٹی وی بھارت سے بات کرتے ہوئے کہا کہ ضلع انتظامیہ کی ہدایت پر کووڈ مریض، جو اپنے گھروں میں ہی کونٹائن ہیں، کو ضرری کووڈ کیٹ تقسیم کیے گئے۔
انہون نے کہا کہ کورونا میں مبتلا مریضوں کو ضروری ادویات کے علاوہ احتیاطی تدابیر کرنے کی صلاح بھی دی گئی۔
