جموں و کشمیر محکمہ خزانہ کے فائنانشل کمشنر ڈاکٹر ارون کمار مہتا نے حکمنامہ جاری کرتے ہوئے تمام محکمہ جات کو ہدایت دی کہ صرف ریگولر (Regular) تنخواہیں اور بچوں کا تعلیمی الاؤنس ہی ادا کیا جائے۔
حکمنامے کے مطابق اپریل سے جون 2020 کی مدت کے دوران تنخواہ ایرئیر، درخواست الاونس (LTC) اور تعطیل اینکیشمنٹ (Leave encashment) محکمہ خزانہ کی اجازت کے بغیر واگزار نہ کیے جائیں۔
حکمنامے کے مطابق ان ملازمین کے حق میں سفری الاؤنس جاری نہیں کیا جائے گا جنہوں نے لاک ڈاؤن کے دوران دفتر حاضری نہیں دی۔
طبی علاج کے حوالے سے حکمنامے میں کہا گیا ہے کہ پیشگی ادائیگی صرف ایمرجنسی کیسز پر ہی دی جائے گی۔ آر آر ٹی، پبلیکیشنز اور دیگر اخراجات نہ کرنے کی ہدایت دیتے ہوئے کہا گیا ہے کہ غیر معمولی معاملات کی صورت میں فائلیں محکمہ خزانہ کو روانہ کی جائیں۔
حکمنامے میں مزید کہا گیا ہے کہ سہ ماہی میں آؤٹ سورس (Out Source) افرادی قوت کے اخراجات اور اجرتیں ایک چوتھائی سے بڑھنی نہیں چایئے۔
