26 جنوری کے موقع پر سرکاری اعزاز دینے کے لیے نامزدگیاں طلب

ہر برس 26 جنوری کے موقع پر شجاعت، ادب، فن، آرٹ اینڈ کرافٹ، صحافت، صنعت و حرفت، ماحولیات، عوامی خدمت اور کھیل کود وغیرہ کے شعبوں میں بہترین کارکردگی کا مظاہرہ کرنے والی شخصیات کو ایوارڈز سے نوازا جاتا ہے۔

لیفٹیننٹ گورنر انتظامیہ نے 26 جنوری کے موقع پر سرکار اعزازات سے نوازے جانے کے لیے نامزدگیاں طلب کی ہیں۔ انتظامیہ کی جانب سے جاری کردہ نوٹیفکیشن میں مرکزی زیر انتظام علاقے، جموں وکشمیر، میں سرکاری ایوارڈ کی حصولیابی کے لیے متعلقین اور مستحقین کو نامزدگیوں کے لیے مطلع کیا گیا ہے۔ جس میں تمام متعلقہ افراد سے کہا گیا ہے کہ وہ مستحق افراد، تنظیموں کے حوالے سے مناسب نامزدگی، سفارشات، حوالہ جات کے ساتھ 25 نومبر 2021 تک یا اس سے پہلے بھیجیں تاکہ ایوارڈ دینے پر غور کیا جائے۔

قابل ذکر ہے کہ ہر برس 26 جنوری کے موقع پر مختلف زمروں میں یہ ایوارڈز دیے جاتے ہیں۔ شجاعت، ادب، فن، آرٹ اینڈ کرافٹ، صحافت، صنعت و حرفت، ماحولیات، عوامی خدمت اور کھیل کود وغیرہ کے شعبوں میں بہترین کارکردگی کا مظاہرہ کرنے والی شخصیات کو ایوارڈز سے نوازا جاتا ہے۔

سرکاری ایوارڈ دینے کے لیے نامزدگیاں کھیلوں کی تنظیمیں، غیر سرکاری ادارے، یونیورسٹیاں، کلچرل اکادمی، انتظامی سیکریٹری، ڈپٹی کمشنر اور صوبائی کمشنر پیش کرسکتے ہیں۔