جموں و کشمیر میں جیل حکام نے قدیوں کو اہل خانہ سے آن لائن ملاقات کروانے کا سلسلہ رواں مہینے کی 8 تاریخ سے شروع کرنے کا فیصلہ لیا ہے۔
جیل حکام کی جانب سے جاری کیے گئے بیان کے مطابق ’’عالمی وبا کورونا وائرس کے پیش نظر جموں و کشمیر کے جیلوں میں قید افراد کے گھروالوں کو قیدیوں سے ملنے کی اجازت نہیں تھی۔ تاہم اب جنوری کی 8 تاریخ سے ای - ملاقات کے ذریعے یہ ممکن ہوگا۔‘‘
اس کے مزید کہا گیا ہے کہ ’’اس سہولت کو حاصل کرنے کے لیے قديوں کے رشتہ داروں کو اپنے نزدیکی جیل کے سپرانڈنٹ سے رجوع کرنا ہوگا۔‘‘
وادی کشمیر کے جیلوں میں پیر سے جمعرات تک ملاقات کا موقع فراہم کیا جائے گا جبکہ صوبہ جموں میں جمعہ اور ہفتہ کے روز ای ملاقات کی سہولیات دستیاب ہونگی۔
