جموں و کشمیر پولیس کی کرائم برانچ نے منگل کے روز ایک آن لائن لاٹری بدعنوانی کے سلسلے میں نئی دہلی میں تین افراد کو گرفتار کیا۔
جن تین افراد کو گرفتار کیا گیا ہے۔ ان میں گئوشالہ کے سنتوش کمار بھگت، کشن گڑھ وسنت کنج کے لکھن لال احرار اور بینیڈکٹ سلویسٹر عرف منو تیاگی شامل ہیں۔
جموں و کشمیر پولیس، کرائم برانچ کے مطابق ان تینوں کو سیکشن 420 آئی پی سی اور 66 - ڈی آئی ٹی کے تحت 2019 میں درج مقدمے کے سلسلے میں گرفتار کیا گیا ہے اور ان کا ٹرانزٹ ریمانڈ حاصل کیا گیا ہے۔
عالیہ نامی شکایت کنندہ کی تحریری شکایت پر یہ معاملہ کرائم برانچ کشمیر میں درج کیا گیا تھا۔ شکایت کنندہ کو نامعلوم نمبر سے فون آیا جس میں اسے سات لاکھ روپے کے انعام کے بارے میں بتایا گیا تھا۔
انعامی رقم کا دعویٰ کرنے کے لئے اس سے کچھ رقم جمع کرنے کو کہا گیا جس کے بعد شکایت کنندہ نے ایک سنتوش کمار بھگت کے ذریعہ چلائے جانے والے نان اسٹاپ ڈیل کے نام سے برقرار رکھے گئے بینک اکاؤنٹ میں 1،38،000 روپے جمع کروائے۔
اس معاملے میں مزید تفتیش جاری ہے۔
