Mata Vaishno Devi University Students Corona Positive: شری ماتا ویشنو دیوی یونیورسٹی کے 140 طلباء کورونا سے متاثر

شری ماتا ویشنو دیوی یونیورسٹی میں یکم جنوری کو 13 طلبا کورونا مثبت پائے جانے کے بعد یونیورسٹی کو بند کردیا گیا تھا۔ اس کے علاوہ انتظامیہ اور طلبا و طالبات کو کوورنا ٹیسٹ کرانے کا حکم دیا گیا تھا۔ ذرائع کے مطابق گزشتہ چار دنوں میں یونیورسٹی کے 187 لوگ کورونا سے متاثر ہوئے ہیں۔ Shri Mata Vaishno Devi University Katra

جموں و کشمیر کے ضلع کٹرا کی شری ماتا ویشنو دیوی یونیورسٹی کے 140 طلبا و طالبات کورونا مثبت پائے گئے ہیں۔ یہ جانکاری یونیورسٹٰی انتظامیہ کی جانب سے دی گئی ہے۔

یکم جنوری کو 13 طلبا کے کورونا مثبت پائے جانے کے بعد یونیورسٹی کو بند کردیا گیا تھا۔ انتظامیہ اور طلبا و طالبات کو جانچ کا حکم دیا گیا تھا۔ ذرائع کے مطابق گزشتہ چار دنوں میں یونیورسٹی کے 187 لوگ کورونا سے متاثر ہوئے ہیں۔

شری ماتا ویشنو دیوی یونیورسٹی کے کیمپس میں پیر کے روز 13 طلبا و طالبات کے کورونا مثبت پائے جانے کے بعد امتحانات بھی ملتوی کردیے تھے۔

یونیورسٹی نے نوٹس جاری کرتے ہوئے کہا کہ یونیورسٹی کے تمام امتحانات جو شیڈول کے مطابق 3 جنوری 2022 سے شروع ہونے والے تھے۔ اگلے نوٹس تک ملتوی کر دیے گئے ہیں۔

ضلع مجسٹریٹ چرندیپ سنگھ نے یونیورسٹی انتظامیہ کو ہدایت دی کہ وہ طلباء کی حفاظت کے پیش نظر اگلے احکامات تک کیمپس کو فی الحال بند کر دیں۔