جموں و کشمیر حکومت نے نئی درجہ بندی ایگزیکیٹو کمیٹی کے موجودہ کووڈ 19 صورتحال کا تفصیلی جائزہ لینے کے بعد کی ہے۔حکم نامے میں مزید کہا گیا ہے کہ اس درجہ بندی کا وقتا فوقتا جائزہ لیا جائے گا ۔
اسی دوران تمام تعلمیی ادارے اور آنگن باڑی سنٹر 31اکتوبر تک بند رہیں گے۔ جبکہ اسکولوں میں آن لائن کلاسز کے لئے 50فیصد اسٹاف کو آنے کی اجازت ہوگی۔
ادھر والدین کی رضامندی کے بعد ہی بچوں کو اسکول آنے کی اجازت ہوگی۔
وہیں 9ویں سے 12 ویں جماعت کے طلبا جو اسکول آنے کے خواہشمند ہوں گے، کو والدین کی تحریری رضامندی کے بعد ہی اسکول میں داخل ہونے کی اجازت دی جائے گی۔
